ХЭРГИЙН ТАНИЛЦУУЛГА: Хэргийн шүүгдэгч нь тээврийн хэрэгсэл жолоодож явж байгаад хохирогчтой маргалдаж, улмаар гараараа цохиж, унагаан, хашлага мөргүүлж эрүүл мэндэд нь хөнгөн хохирол санаатай учруулсан хэргээр яллагдсан. АНХАН ШАТ: Шүүгдэгч нь бусдын эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцогдож, 240 цаг нийтэд тустай ажил хийлгэх ял оногдуулсан.
ҮНДЭСЛЭЛ: Хэрэгт цуглуулж бэхжүүлсэн нотлох баримтууд, хохирогчийн мэдүүлэг, шинжээчийн дүгнэлт зэргээр шүүгдэгчийн үйлдсэн хэргийг нотлох баримтаар хангалттай тогтоосон. Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт хамаарах үндэслэлтэй гэж шүүх дүгнэлээ. Ял оногдуулахдаа гэмт хэргийн нөхцөл байдал, хохирол, хувь хүний байдлыг харгалзсан.