ХЭРГИЙН ТАНИЛЦУУЛГА: Шүүгдэгч нар нь бүлэглэн хонь хулгайлсан хэргээр яллагджээ. Хохирогч нь 4 хонь алдсан бөгөөд хонь нь олдсон боловч хоёр хонины хөл хугарсан байжээ. Шүүгдэгч нар нь гэм буруугаа мэдэн, учруулсан хохирлыг нөхөн төлөх боломжгүй хэмээн тайлбарлажээ.
АНХАН ШАТ: Шүүгдэгч Р.Х, Б.У, Д.Э нарыг бүлэглэн хонь хулгайлсан хэмээн буруутгаж, Эрүүгийн хуулийн тусгай ангийн 17.12 дугаар зүйлийн 1 дэх хэсэгт зааснаар зүйлчлэн, Эрүүгийн хуулийн ерөнхий ангийн 1.9, 3.7 дугаар зүйлийг журамлан шийтгэжээ.
ҮНДЭСЛЭЛ: Шүүгдэгч Р.Х-г 8 сарын хорих ялаар, Б.У, Д.Э нарыг 480 цаг нийтэд тустай ажил хийлгэх ялаар шийтгэв. Мөн Р.Х-ийн өмнөх ялын үлдэгдэлтэй нэмж, нийт 2 жил 9 сар 14 хоногийн хорих ял оногдуулж, нээлттэй хорих байгууллагад эдлүүлэхээр тогтоожээ. Гэмт хэрэгт ашигласан мотоциклийн үнийг шүүгдэгч нараас гаргуулж улсын орлогод оруулах, хохирогчоос битүүмжилсэн эд хөрөнгийг буцаан олгохоор шийдвэрлэв.