Тогтоол №47310

ХЭРГИЙН ТАНИЛЦУУЛГА: Нийгмийн даатгалын сан хөмрөгөөс их хэмжээний мөнгө завшсан хэрэгт хоёр хүнд холбогдуулан яллах дүгнэлт үйлдэж ирүүлсэн. АНХАН ШАТ: Албан тушаалаа урвуулан ашиглаж, нийгмийн даатгалын сангаас их хэмжээний мөнгө завшсан хэргээр шүүгдэгч Ч.Э, Б.Ц нарыг гэм буруутайд тооцож, хохирлыг гаргуулахаар шийдвэрлэв.

ҮНДЭСЛЭЛ: Шүүгдэгч Ч.Э нь Нийгмийн даатгалын хэлтсийн дарга, ерөнхий нягтлан бодогчоор ажиллаж байхдаа хувийн компанийн тамга тэмдгийг ашиглан, 8 иргэнийг уг компанид ажилласан хэмээн бүртгэж, нийгмийн даатгалын шимтгэл төлүүлэн нийт 51.911.738 төгрөгийг завшсан. Шүүгдэгч Б.Ц нь Нийгмийн даатгалын хэлтсийн тэтгэмжийн хяналтын байцаагч, магадлагч эмчээр ажиллаж байхдаа хувийн компанийн тамга тэмдгийг ашиглан, 7 иргэнийг уг компанид ажилласан хэмээн бүртгэж, нийгмийн даатгалын шимтгэл төлүүлэн нийт 75.233.158 төгрөгийг завшсан. Гэрчүүдийн мэдүүлэг, шинжээчийн дүгнэлт, шүүгдэгч нарын хүлээсэн мэдүүлгүүдээр гэм буруу нь тогтоогдсон. Шүүгдэгч нар хэрэг хянан шийдвэрлэх ажиллагааны явцад учруулсан хохирлын тодорхой хэсгийг төлсөн. Хохирогч байгууллага болох Нийгмийн даатгалын санд учирсан үлдэх хохирлыг шүүгдэгч нараас гаргуулж олгохоор шийдвэрлэв. Шүүгдэгч нарт хорих ял оногдуулж, улсад учирсан хохирлыг бүрэн нөхөн төлөөгүй, үйлдсэн хэргийн улмаас учирсан хор уршиг арилаагүй зэргийг харгалзан үзэж, торгуулийн ял оногдуулах нь хуульд үл нийцнэ гэж үзэн, нээлттэй хорих ангид эдлүүлэхээр шийдвэрлэв.