Хөдөлмөр, нийгмийн хамгааллын эрх зүй · ХӨДӨЛМӨРИЙН ТУХАЙ ХУУЛЬ

Талууд хөдөлмөрийн гэрээндээ “1 сарын цалин 5 сая төгрөг” гэж тохиролцсон. Ажил олгогч 2023 оны 03 дугаар сарын 01-ээс эхлэн ажилтанд 4.5 сая төгрөгийн цалин олгож “санхүүгийн боломжгүй, нөхөн олгоно” гэж тайлбарлажээ. Гэвч цалинг нөхөн олгоогүй ба ажилтан 2023 оны 08 дугаар сарын 31-нд ажлаас гарсан. Тэрээр 2023 оны 03 дугаар сарын 01-ээс 2023 оны 08 дугаар сарын 31-нд хамаарах 6 сарын цалингийн зөрүү 3 сая төгрөгийг ажил олгогчоос гаргуулахаар 2023 оны 11 дүгээр сарын 15-ны өдөр хөдөлмөрийн эрхийн маргаан шийдвэрлэх байгууллагад гомдол гаргаж, талууд тохиролцоогүй учир шүүхэд нэхэмжлэлээ гаргажээ. Шүүх “ажилтан цалингаа бүтэн авснаар цалин буурсныг бодитой мэдсэн гэж үзэх тул энэ хугацааг 2023 оны 04 дүгээр сарын 01-ны өдрөөс тоолно. Ажилтан 2023 оны 11 дүгээр сарын 15-нд эрх бүхий этгээдэд гомдол гаргасан учир 2023 оны 07 дугаар сарын 30-ны өдөр хүртэлх 5 сарын цалингийн зөрүүг шаардах 90 хоногийн хугацаа Хөдөлмөрийн тухай хуулийн 154.2, 154.2.2-д зааснаар 2023 оны 10 дугаар сарын 30-нд дууссан. Харин 2023 оны 08 дугаар сарын цалингийн зөрүүг шаардах хугацаа 2023 оны 11 дүгээр сарын 30-нд дуусах тул 1 сарын цалингийн зөрүүг олгоно” гэв. Шүүх хөөн хэлэлцэх хугацааг зөв тодорхойлсон уу, шийдвэр үндэслэлтэй юу?

Шинэчилсэн: 2026.10.04