Нийтийн албан тушаалтан О хясан боогдуулж, аргагүй байдалд оруулсны улмаас “Барилга угсралт” ХХК-н захирал Б нь О-д 80.0 сая төгрөгийн хахууль өгсөн тухайгаа эрх бүхий байгууллагад илчилсэн нь тогтоогджээ. Анхан шатны шүүх хуралдаанд Б нь өөрт холбогдох хэргийг хэрэгсэхгүй болгуулах, хохирсон 80.0 сая төгрөгийг буцаан авах талаар хүсэлт гаргасан байна. Зөв хариултыг сонгоно уу?

Нийтийн албан тушаалтан хясан боогдуулсны улмаас аргагүй байдалд орж хахууль өгсөн этгээд энэ тухайгаа эрх бүхий байгууллагад сайн дураараа илчилж ирсэн нь түүнийг эрүүгийн хариуцлагаас чөлөөлөх хууль зүйн үндэслэл болдог. Иймд шүүх Б-д холбогдох хэргийг хэрэгсэхгүй болгож шийдвэрлэнэ.

Мөн хясан боогдуулж, аргагүй байдалд оруулсны улмаас хахуульд өгсөн мөнгө, эд зүйл нь хохиролд тооцогдох тул гэмт хэргийн улмаас учирсан 80.0 сая төгрөгийг хохирогчид буцаан олгох хууль зүйн үндэслэлтэй юм. Иймээс шүүхээс гаргасан хүсэлтийг бүхэлд нь хангах нь зөв шийдэл болно.