Өөрийн бичсэн номын зохиогчийн эрхийг 5.0 сая төгрөгөөр худалдах саналыг Х хэвлэлийн газарт багш Б гаргасан байна. Х нь харин Б-д “Монголын уран зохиолын дээжис” 10 боть номыг 10.0 сая төгрөгт тооцон өгөхөөр санал болгосныг Б нь зөвшөөрсөн бол талуудын хооронд ямар гэрээ байгуулагдсан хэмээн үзэх вэ?

Иргэний хуульд зааснаар арилжааны гэрээгээр талууд тодорхой хөрөнгийг харилцан өмчлөлд шилжүүлэх үүрэг хүлээдэг. Өөрөөр хэлбэл, мөнгөн төлбөр төлөх бус эд хөрөнгө, эрхийг хооронд нь солилцож байгаа харилцаа юм.

Энэ тохиолдолд талууд зохиогчийн эрхийг мөнгөөр худалдан авахаар тохиролцоогүй бөгөөд нэг тал өөрийн зохиогчийн эрхийг шилжүүлэх, нөгөө тал нь хариуд нь 10 боть номыг өмчлөлд шилжүүлэн өгөхөөр харилцан тохиролцсон тул талуудын хооронд арилжааны гэрээ байгуулагдсан гэж үзнэ.