“Б” банкны хууль зөрчсөн үйлдлийн улмаас учирсан хохирлыг нөхөн төлүүлэхээр эсэргүүцэл үзүүлсэн жагсагчдыг таслан зогсоохыг оролдсон боловч дийлдэхгүй, хүч хэрэглэн банкны байгууламжид халдаж, эвдэлж сүйтгэж байсан тул тус банкны хамгаалалтын ажилтан Э нь хийн гар буугаар хоосон зам руу чиглүүлэн буудтал сум нь В- ийн машины цонхны шилэнд тусч 500.000 төгрөгийн хохирол учирсан байна. Э-гийн үйлдэл нь:

Хамгаалалтын ажилтан Э нь хүч хэрэглэн банкны байгууламж руу халдаж, эвдэж сүйтгэж байсан жагсагчдын үйлдлийг таслан зогсоох боломжгүй болсон тул хийн гар буугаар буудаж, хуулиар хамгаалагдсан өмчлөх эрх болон аюулгүй байдалд учирсан бодит аюулыг зайлуулахыг оролдсон байна.

Өөр арга замаар тулгарсан аюулыг хамгаалах боломжгүй нөхцөл байдалд тухайн аюулыг арилгах зорилгоор үйлдэл хийх явцдаа бусдын эд хөрөнгөд бага хэмжээний хохирол учруулсан нь эрүүгийн эрх зүйн гарцаагүй байдлын шинжийг хангаж байна.

Учирсан хохирол нь хамгаалагдсан ашиг сонирхол, тулгарсан бодит аюулаас илтэд хэтрээгүй тул хуулиар хамгаалсан эрх ашигт тулгарсан аюулыг өөр аргаар хамгаалах боломжгүй гарцаагүй нөхцөл байдалд хийгдсэн, гэмт хэрэгт тооцогдохгүй үйлдэл юм.