“С” ХХК өөрийн байгууллагын сурталчилгааг нэмэгдүүлэх зорилгоор иргэн Д-д хамтран ажиллах санал тавьжээ. Д хамтран ажиллах зөвшөөрлөө өгөхдөө уг гэрээнд заагдаагүй өөр нөхцөлөөр гэрээ байгуулахаар зөвшөөрсөн хариуг өгчээ. Энэ саналыг хэрхэн ойлгох вэ?

Иргэний эрх зүйн ерөнхий зарчмын дагуу гэрээ байгуулах саналд хариу өгөхдөө анхны саналын нөхцөлийг өөрчилсөн, эсхүл нэмэлт нөхцөл тусгасан бол уг хариуг саналыг шууд хүлээн авсан гэж үзэхгүй.

Харин анхны саналыг хүлээн авахаас татгалзаж, хариу илгээгчээс гэрээ байгуулахаар гаргаж буй шинэ санал (сөрөг санал) гэж үздэг. Тиймээс иргэн Д-гийн өгсөн хариу нь гэрээ байгуулах тухай шинэ санал болно.