А өөрийн найз Б-ийн машиныг түүний эзгүйд 3 сарын хугацаагаар зөвшөөрөлгүйгээр ашиглаж жуулчдад хөлсөөр үйлчилсэн байна. Б нь А-ийн олсон ашгаас өөртөө олж авахаар шаардах эрхтэй юу?

Иргэний хуулийн эзэмшлийн эрх зүйн зохицуулалтаар эд хөрөнгийг хууль бусаар буюу өмчлөгчийн зөвшөөрөлгүйгээр эзэмшиж, ашигласан этгээд нь уг хугацаанд олсон үр шим, орлого, ашгийг жинхэнэ өмчлөгчид буцаан өгөх буюу нөхөн төлөх үүрэгтэй байдаг.

Энэ тохиолдолд А нь Б-ийн машиныг зөвшөөрөлгүйгээр ашиглан жуулчдад үйлчилж хууль бус эзэмшигч болсон тул түүнээс олсон ашиг нь эд хөрөнгийн үр шимд тооцогдоно. Иймд өмчлөгч Б нь өөрийн эд хөрөнгийг ашигласнаас бий болсон ашгийг хууль бус эзэмшигч А-аас шаардан авах бүрэн эрхтэй.