Жуулчин Б нь “Х” аяллын компанитай аялал жуулчлалын гэрээ байгуулж, морин аялалд явахаар болсон. Аяллын үеэр түүний унасан морь гэнэт булгисны улмаас тэрээр мориноос унаж өвдгөө хөнгөн бэртээсэн. Гэтэл аялал дууссанаас хойш хэсэг хугацааны дараагаас түүний толгой өвддөг болсон бөгөөд үзүүлэхэд мориноос унасантай холбоотой байж болзошгүй гэсэн хариу авсан бөгөөд зохих эмчилгээг хийлгэсэн. Улмаар Б өөрийн эрүүл мэндэд учирсан хохирлыг нөхөн төлүүлэхээр “Х” компанийг хариуцагчаар татан шүүхэд нэхэмжлэл гаргасан, “Х” компанийн хувьд жуулчинд тохиолдсон уг үйл явдлаас хойш аль хэдийн 1 жил өнгөрсөн тул хөөн хэлэлцэх хугацаа өнгөрсөн гэх үндэслэлээр нэхэмжлэлийн шаардлагыг хангахаас татгалзсан. “Х” компанийн татгалзал хууль зүйн үндэслэлтэй юу?

1. A.Үндэслэлтэй. Учир нь Иргэний хуульд зааснаар жуулчин Б нь гэрээнд заасан аяллын хугацаа дууссанаас хойш нэг сарын дотор аялал жуулчлал зохион байгуулагчид гомдлын шаардлага гаргаж болох байсан бөгөөд тэрээр “Х” компанид хандан гомдлын шаардлага гаргаж байгаагүйн дээр уг хугацаа хэтэрсэн явдалд жуулчныг гэм буруугүй гэж үзэх үндэслэл бүрдээгүй байна
2. B.Үндэслэлтэй. Учир нь жуулчин Б өвдгөндөө хөнгөн бэртэл авсан даруйдаа бусад эд эрхтэнд гэмтэл учирсан байж болзошгүй гэх үндэслэлээр шаардлагатай арга хэмжээг авах ёстой байсан
3. C.Үндэслэлтэй. Учир нь Иргэний хуульд зааснаар жуулчны шаардлага гаргах хөөн хэлэлцэх хугацаа 6 сар бөгөөд хөөн хэлэлцэх хугацааг гомдлын шаардлага гаргах хугацаа дууссан өдрөөс эхлэн тоолно
4. D.Энэ тохиолдолд жуулчин Б-ийн аяллын доголдолтой холбогдуулан шаардлага гаргах хөөн хэлэлцэх хугацаа дууссан байна. Харин иргэн Б-д Иргэний хуулийн 497 дугаар зүйлд заасан зөрчлийн улмаас үүсэх шаардах эрх хэвээр үлдэнэ✓ Зөв хариулт

Иргэний хууль