Иргэн Б нь О-тай үл хөдлөх эд хөрөнгө өмчлөгчийн эрхийг хязгаарлах гэрээ байгуулжээ. О эрхээ хэрэгжүүлэх явцдаа эд хөрөнгөд нь хохирол учруулсан. Хохирлыг хэн хариуцах вэ?

Үл хөдлөх эд хөрөнгийн өмчлөгчийн эрхийг хязгаарлах замаар бусдын үл хөдлөх хөрөнгийг тодорхой нөхцөлөөр ашиглах эрхийг сервитут гэдэг. Энэ тохиолдолд уг эрхийг олж авч ашиглаж буй О нь сервитут бүхий этгээд юм.

Иргэний эрх зүйн ерөнхий зарчмын дагуу бусдын эд хөрөнгийг гэрээний болон хуулийн дагуу хязгаарлагдмал эрхээр ашиглаж буй этгээд эрхээ хэрэгжүүлэхдээ тухайн эд хөрөнгөд болгоомжтой хандах үүрэгтэй байдаг.

Иймд өөрийн эдлэх эрхээ хэрэгжүүлэх явцдаа өмчлөгчийн эд хөрөнгөд гэм хор, хохирол учруулсан бол түүнийг арилгах үүргийг уг эрхийг хэрэгжүүлэгч буюу сервитут бүхий этгээд өөрөө хариуцна.