Т нь 2024 оны 01 дүгээр сарын 10-ны өдөр Х-ээс “Тоёота Приус 20” маркийн тээврийн хэрэгслийг 15.0 сая төгрөгөөр худалдан авч мөнгийг хоёр сарын хугацаанд хуваан төлж дуусгахаар тээврийн хэрэгслийг Т-ын нэр дээр шилжүүлэхээр тохиролцсон байна. Т нь 2024 оны 01 дүгээр сарын 10-ны өдөр 2.0 сая төгрөг, 2024 оны 02 дугаар сарын 15-ны өдөр 5.0 төгрөг, 2024 оны 03 дугаар сарын 18-ны өдөр 2.0 төгрөгийг тус тус шилжүүлсэн боловч үлдэгдэл мөнгийг төлөхгүй удаасаар байжээ. Х түүнд хандан 2024 оны 05 дугаар сарын 01-ний дотор үлдэгдэл төлбөрийг өгөхгүй бол автомашиныг буцааж авахыг мэдэгдсэн бөгөөд 2024 оны 04 дүгээр сарын 28-ны өдөр Т-д өөрт байсан илүү түлхүүрийг ашиглан автомашиныг Т-ын гэрийн гадаах зогсоол дээрээс авч явжээ. Х-ийн үйлдэл:

1. A.Эрүүгийн хуулийн тусгай ангийн 17.2 дугаар зүйлийн 1 дэх хэсэгт заасан гэмт хэрэг
2. B.Дураараа аашлах гэмт хэрэг
3. C.Эрүүгийн хуулийн тусгай ангийн 17.7 дугаар зүйлд заасан гэмт хэрэг
4. D.Гэмт хэргийн шинжгүй✓ Зөв хариулт

Зөв хариулт: D, өгөгдсөн нөхцөлөөр. Тээврийн хэрэгслийн өмчлөх эрхийг үлдэгдэл төлбөр бүрэн төлсний дараа Т-ын нэр дээр шилжүүлэхээр тохирсон тул 2024-04-28-нд өмчлөх эрх Х-д хэвээр гэж үзэх үндэслэлтэй. 17.2 нь бусдын эд хөрөнгийг илээр авах, 17.7 нь автотээврийн хэрэгслийг завших зорилгогүйгээр өмчлөгч, эзэмшигчийн зөвшөөрөлгүй авч явахыг гэмт хэрэгт тооцдог. Өмчлөгч Х өөрийн автомашиныг авч явсан тул эдгээр бүрэлдэхүүн шууд нийцэхгүй. Гэрээний хугацаанаас өмнө буцаан авсан эсэх нь иргэний эрх зүйн үүрэг, маргааны асуудал байж болох боловч асуултад 22.11 дэх дураараа аашлах гэмт хэргийн тусгай субъект, нөхцөл шинжүүд тогтоогдоогүй.