Эрүүгийн хэрэг хянан шийдвэрлэх тухай хуульд “Давж заалдах шатны шүүх шүүгдэгчид холбогдох хэргийн зүйлчлэлийг өөрчлөн ялыг хөнгөрүүлж, эсхүл шүүгдэгчид холбогдох хэргийн нөхцөл байдал, зүйлчлэлийг өөрчлөхгүйгээр ялыг хөнгөрүүлж, хүндрүүлж болно”; “шүүгдэгчид холбогдох хэргийн нөхцөл байдал, зүйлчлэлийг өөрчлөхгүйгээр ялыг хөнгөрүүлж, эсхүл хүндрүүлж шүүхийн шийдвэрт өөрчлөлт оруулах”; “шүүгдэгчид холбогдох хэргийн нөхцөл байдал, зүйлчлэлийг өөрчлөхгүйгээр ялыг хөнгөрүүлж, эсхүл хүндрүүлж шүүхийн шийдвэрт өөрчлөлт оруулах;” гэж тус тус заасны “... хүндрүүлж ...”, “... эсхүл хүндрүүлж ...” гэсэн заалт нь Үндсэн хууль зөрчсөн үү?
Шинэчилсэн: 2026.09.14
- A.Шүүхийн шийдвэрийг давж заалдах эрхийг баталгаатай эдлүүлэх хууль ёсны зорилготой бөгөөд Үндсэн хуульд нийцсэн зохицуулалт юм
- B.Дээд шатны шүүхэд хандсанаар шүүгдэгчид илүү хүнд ял оноох, эрх зүйн байдлыг дордуулах боломжоор зохицуулсан нь Монгол Улсын Үндсэн хуулиар тунхагласан хүмүүнлэг, иргэний ардчилсан нийгэм цогцлуулан хөгжүүлэх эрхэм зорилтын агуулгад нийцэхгүй байх бөгөөд Үндсэн хуулийн Арван есдүгээр зүйлийн 1 дэх хэсгийг зөрчсөн гэж үзэх үндэслэлтэй байна✓ Зөв хариулт
- C.Эрүүгийн хэргийг анхан шатны журмаар шийдвэрлэж байгаа шүүгч, шүүх бүрэлдэхүүн нь ямар нэг байдлаар нөлөөнд автаж, шүүгдэгчид түүний үйлдсэн гэмт хэрэг, гэм буруугийн хэлбэрт нийцээгүй буюу гэмт хэрэгт тухайн зүйлчлэлээр оногдуулж болох ялын төрлөөс хамгийн хөнгөн ял сонгох боломжтой бөгөөд энэ тохиолдолд Эрүүгийн хуульд заасан шударга ёсны зарчим алдагдахад хүрэх учраас уг сөрөг үр дагаврыг засах боломжийг дээд шатны шүүхэд олгох үүднээс дээрх заалтыг хуульчилсан байх тул Үндсэн хуульд нийцнэ
- D.Прокурорын саналаас давсан ялыг тодорхой үндэслэлгүйгээр хүндрүүлэн нэмэх нөхцөлийг бүрдүүлсэн тул Үндсэн хуулийн Тавин дөрөвдүгээр зүйлийг зөрчсөн байна
Зөв хариулт: B. Цэц давж заалдах шатны шүүх гомдол гаргаснаар шүүгдэгчийн эрх зүйн байдлыг дордуулж ялыг хүндрүүлэх боломжтой болгосон зохицуулалтыг давж заалдах эрхийн үр нөлөөг бууруулж, Үндсэн хуулийн хүний эрхийг хангах төрийн үүрэг, хүмүүнлэг ардчилсан нийгмийн зорилготой нийцэхгүй гэж дүгнэсэн.