А нь цахилгаан барааны “Б” дэлгүүрээс 1.0 сая төгрөгийн үнэ бүхий хөргөгч худалдан авчээ. “Б” дэлгүүр хөргөгчийг А-ийн хүсэлтээр Дархан хот руу хүргэсэн бөгөөд тээврийн зардал болох 50.000 төгрөгийг А- аас нэхэмжлэхэд А хөргөгчийг хүргэх тээврийн зардлыг “Б” дэлгүүр хариуцах ёстой бөгөөд бусад бүх дэлгүүрүүд хүргэлтээ өөрөө хариуцдаг гэж 50.000 төгрөгийг төлөхөөс татгалзжээ. Энэ тохиолдолд тээврийн зардлыг хэн хариуцах вэ?

Худалдах-худалдан авах гэрээний ерөнхий зарчмаар барааг худалдагчийн оршин суугаа буюу үйл ажиллагаа явуулж байгаа газраас өөр газарт хүргэхтэй холбогдсон зардал, тээврийн хөлсийг худалдан авагч хариуцах үүрэгтэй байдаг.

Хэрэв талууд хүргэлтийн зардлыг худалдагч бүрэн хариуцахаар гэрээндээ тусгайлан тохиролцоогүй бол худалдан авагчийн хүсэлтээр хийгдсэн тээвэрлэлтийн зардлыг худалдан авагч өөрөө төлөх ёстой.

Иймд худалдан авагч А-ийн гаргасан татгалзал хууль зүйн үндэслэлгүй бөгөөд барааг өөр газар хүргэхтэй холбогдон гарсан 50,000 төгрөгийн тээврийн зардлыг А өөрөө хариуцах үүрэгтэй.