Захиргааны хариуцлагын тухай хуульд “Энэ хуулийн 21, 22, 23, 24, 45 дугаар зүйлд заасан баривчлах шийтгэлийг сумын Засаг дарга ногдуулж болно”, “Сумын Засаг дарга баривчлах шийтгэл ногдуулсан тухай шийтгэврээ материалын хамт харьяалах шүүхэд 3 хоногийн дотор хүргүүлнэ” гэсэн нь Үндсэн хууль зөрчсөн үү?

1. A.Иргэдийн хувийн болон эд хөрөнгийн аюулгүй байдалд хохирол учруулж болзошгүй нөхцөлд эрх бүхий албан тушаалтан бие дааж, түргэн хугацаанд хууль тогтоомжоор олгосон эрх хэмжээнийхээ хүрээнд эрх зүйн зөрчлийг хугацаа алдалгүй зогсоох, дуусгавар болгох шаардлага нь хүний эрхийн хууль зүйн баталгааг бүрдүүлэх төрийн үүрэгтэй холбоотой тул Үндсэн хуульд нийцэж байна
2. B.Баривчлах шийтгэл оногдуулах эрхийг улс төрийн албан тушаалтанд шилжүүлснээр Монгол Улсын Үндсэн хуульд заасан хүний эрхийг эрхэмлэн дээдлэх, хүний эрхийн хууль зүйн баталгааг бүрдүүлэх үүргийг төрд хариуцуулсан Үндсэн хуулийн үзэл баримтлал, суурь зарчимтай зөрчилдөж, “Ямар ч нөхцөлд хуулиас гадуур шүүх байгуулах, шүүх эрх мэдлийг өөр байгууллага эрхлэн хэрэгжүүлэхийг хориглоно” гэсэн Үндсэн хуулийн заалтыг зөрчсөн✓ Зөв хариулт
3. C.Тодорхой эрх зүйн хэм хэмжээг иргэн үл гүйцэтгэхтэй холбогдуулан үндэсний хууль тогтоомжийн дагуу эрх хэмжээ олгосон захиргааны албан тушаалтнаас төрийн албадлагын шинжтэй саатуулах, захиргааны журмаар баривчлах, албадан гаргах зэрэг зарим арга хэмжээг хуулийн хүрээнд, хүний эрх, эрх чөлөөг баталгаатай хангах замаар түүнд ногдуулах нь Үндсэн хуульд нийцнэ
4. D.Зөрчил үйлдэгчээс сумын Засаг даргын гаргасан шийтгэвэр хууль бус гэж үзэж, зөрчигдсөн эрхээ хамгаалуулахаар гомдлоо захиргааны хэргийн шүүхэд гаргах эрхийг хязгаарласан нь Монгол Улсын Үндсэн хуулийн Дөчин долоодугаар зүйлийн 1 дэх хэсгийг зөрчсөн байна

Зөв хариулт: B. Үндсэн хуулийн цэц 2013 онд сумын Засаг даргад баривчлах шийтгэл оногдуулах эрх олгосон болон материалыг 3 хоногийн дотор шүүхэд хүргүүлэх зохицуулалтыг шүүх өөрөө бодитой, тал бүрээс нь хянан шийдвэрлэх баталгааг орлохгүй бөгөөд “Монгол Улсад шүүх эрх мэдлийг гагцхүү шүүх хэрэгжүүлнэ” гэсэн Үндсэн хуулийн 47.1-ийг зөрчсөн гэж дүгнэсэн. 2014 онд уг заалтууд хүчингүй болсон.