Сум, дүүргийн Хурал тухайн нутаг дэвсгэр дэх аж ахуйн нэгжээс хэрэгжүүлэхээр төлөвлөж буй төсөл нь байгаль орчинд сөрөг нөлөө үзүүлэх эсэх талаар Засаг даргын мэдээллийг авахгүйгээр уг төслийг захиргааны хэм хэмжээний актаар баталжээ. Эрх бүхий байгууллага бүртгэх үү?

Захиргааны хэм хэмжээний акт батлан гаргах ажиллагаанд хуулиар тогтоосон тусгай шаардлага, журмыг чанд баримтлах ёстой. Хэрэв батлах гэж буй шийдвэр, төсөл нь бусад байгууллага, албан тушаалтны хуулиар хүлээсэн чиг үүрэгт хамаарч байвал тэдгээрээс урьдчилан албан ёсоор санал авч, зохих мэдээллийг тусгах нь акт хууль ёсны байх үндсэн нөхцөл болдог.

Тухайн нутаг дэвсгэрийн байгаль орчны асуудал, төслийн нөлөөллийн талаарх хэрэгжүүлэх чиг үүрэг Засаг даргад давхар хамаарч байхад түүний саналыг авалгүйгээр шийдвэр гаргасан нь захиргааны хэм хэмжээний акт бэлтгэх, батлах журмыг зөрчсөн үйлдэл юм.

Иймд зохих журмын дагуу холбогдох албан тушаалтнаас албан ёсоор санал аваагүй, хуульд заасан шаардлагыг хангаагүй актыг эрх бүхий бүртгэх байгууллага улсын нэгдсэн бүртгэлд бүртгэхээс татгалзах үндэслэлтэй.