Иргэн А нь Эрдэнэт хотод амьдардаг өөрийн төрсөн дүү болох Х-д 5 ханатай гэр явуулахаар болж зарын дагуу иргэн М-тэй тохиролцон тзэвэрлэлтийн гэрээ байгуулан дагалдах бичгийг үйлдсэн. М тээвэрлэлтийн даалгаврын Эрдэнэт хот хүргэх хэсгийг өөрөө гүйцэтгэж, Х-гийн зусаж буй хөдөө гэрт хүргэх хэсгийн тээвэрлэлтийг найз О-гийн машинаар гүйцэтгүүлэхээр 0-д даалгаж түүнд өөрийн зүгээс дагалдах бичиг үйлдэж өгсөн. Гэтэл ачаа Х-д очих үед гэрийн зарим унь, туурга, бүслүүр зэрэг хэсэг нь дутаж байгаа нь тогтоогдсон. Энэ тохиолдолд М болон О-г дамжуулан тээвэрлэлт хийсэн гэж үзэх үү?

Иргэний хуулийн тээвэрлэлтийн гэрээний нийтлэг зарчмаар дамжуулан тээвэрлэлт гэдэг нь нэгдмэл дагалдах бичгийн үндсэн дээр хэд хэдэн тээвэрлэгч тээвэрлэлтийн үйл ажиллагаанд дараалан оролцохыг ойлгодог.

Дамжуулан тээвэрлэгч тус бүр ачааг анхны илгээгчийн үйлдсэн дагалдах бичгийн хамт хүлээн авснаар анхны тээвэрлэлтийн гэрээний нөхцөлийг хүлээн зөвшөөрч, гэрээний тал болдог зохицуулалттай.

Энэ тохиолдолд анхны тээвэрлэгч М нь дараагийн этгээд болох О-д илгээгч А-гийн дагалдах бичгийг шилжүүлэлгүй, өөрийн нэрийн өмнөөс шинээр дагалдах бичиг үйлдэж өгсөн байна. Иймд О нь анхны илгээгчийн дагалдах бичгийг хүлээн аваагүй тул тэдгээрийн хооронд дамжуулан тээвэрлэлт хийгдсэн гэж үзэх үндэслэлгүй юм.