Онь олон жилийн турш өс санаж явсан Л-г харанхуй гудамжинд харгис хэрцгийгээр зодож хохирогчийг хөдлөхөө болих үед нь үхчихлээ хэмээн бодоод орхиж явсан байна. Гэвч тус гудамжаар алхаж явсан иргэн Л-г цаг алдалгүй эмнэлгийн байгууллагад хүргэж амь насыг нь аварсан боловч насан туршдаа хэвтэрт байхаас өөр аргагүй гэж эмч нар хэлжээ. О-гийн үлдэлд дүгнэлт өгнө үү?

О-гийн үйлдэл нь хүнийг алах гэмт хэрэгт шууд санаатайгаар хандсан бөгөөд хохирогчийг нас барсан гэж үзэж, өөрөөс шалтгаалах бүхий л үйлдлийг бүрэн хийж дуусгасан байна.

Гэвч гэмт этгээдээс үл хамаарах нөхцөл байдлын улмаас буюу хөндлөнгийн иргэн цаг алдалгүй эмнэлгийн тусламж үзүүлсний үр дүнд хохирогчийн амь нас аврагдаж, гэмт этгээдийн хүссэн үр дагавар буюу хүний үхэл бодитойгоор бий болоогүй байна.

Эрүүгийн хуулийн дагуу гэмт этгээд өөрийн санаачилсан гэмт хэргийг үйлдэхэд чиглэсэн бүх үйлдлийг төгс хийсэн боловч түүний хүсэл зоригоос үл хамаарах шалтгаанаар үр дагавар нь бий болоогүй энэхүү нөхцөл байдал нь төгссөн завдалт болдог тул О-гийн үйлдэл нь хүнийг алах гэмт хэрэгт төгссөн завдалт хийсэн шинжийг хангана.