Ерөнхий сайд танхимдаа ажиллах гишүүдээ Улсын Их Хурал, Ерөнхийлөгчид танилцуулсны үндсэн дээр томилох тухай захирамж гаргасан байна. Гэтэл Улсын Их Хурал дахь цөөнхийн бүлгийн гишүүд хэвлэлийн хурал зарлаж, Ерөнхий сайдыг хууль зөрчсөн хэмээн буруушааж, Ерөнхий сайд болон Засгийн газрын гишүүдийг Улсын Их Хурлаас томилдог гэж мэдэгдэв. Цөөнхийн бүлгийн мэдэгдэл хууль зүйн үндэслэлтэй юу?

1. A.Үндэслэлтэй, Улсын Их Хурлын өмнө хамтын хариуцлага хүлээх зарчмаар ажилладаг тул Ерөнхий сайд, Засгийн газрын гишүүдийг Улсын Их Хурлаас томилно
2. B.Үндэслэлтэй, Үндсэн хуульд заасны дагуу Ерөнхий сайд, Улсын Их Хуралд шууд ажлаа хариуцан тайлагнадаг бусад байгууллагын бүрэлдэхүүнийг томилох нь Улсын Их Хурлын бүрэн эрхэд хамаарна
3. C.Үндэслэлгүй, учир нь Улсын Их Хурал зөвхөн Ерөнхий сайдыг томилох бүрэн эрхтэй
4. D.Үндэслэлгүй, учир нь Засгийн газрын гишүүнийг Улсын Их Хурал, Ерөнхийлөгчид танилцуулсны үндсэн дээр томилох бүрэн эрх Ерөнхий сайдад хамаарна✓ Зөв хариулт

Зөв хариулт: D. Монгол Улсын Засгийн газрын тухай хуулийн 23 дугаар зүйлийн 1 дэх хэсгийн 2-т Ерөнхий сайд Засгийн газрын гишүүнийг Улсын Их Хурал, Ерөнхийлөгчид танилцуулсны үндсэн дээр томилж, чөлөөлж, огцруулах бүрэн эрхтэй. Иймээс цөөнхийн бүлгийн мэдэгдэл үндэслэлгүй.