Гэрлэгч A, Б нар гэрлэлтийн гэрээ байгуулж, нөхөр A нь 7 хоногийн 2- оос доошгүй өдөр хүүхдээ харж, асрах үүрэг хүлээж, уг үүргээ зөрчсөн хоног тутамд 50.000 төгрөгийн нөхөн төлбөр төлөх үүрэг хүлээжээ. Эхнэр нь энэ талаар шаардлага гаргах эрхтэй юу?

Гэр бүлийн эрх зүйн ерөнхий зарчмаар гэрлэлтийн гэрээгээр зөвхөн гэрлэгчдийн эд хөрөнгийн эрх, үүрэгтэй холбоотой харилцааг зохицуулдаг. Хүүхэд асран халамжлах, тэтгэн хүмүүжүүлэх зэрэг хувийн эд хөрөнгийн бус харилцаа нь эцэг, эхийн хуулиар хүлээсэн үүрэг бөгөөд үүнийг гэрээгээр тохиролцож, хариуцлага тооцох зүйлд хамааруулах боломжгүй юм.

Иймд хүүхэд асрах хувийн эд хөрөнгийн бус үүргийг гэрлэлтийн гэрээний зүйл болгосон нь хүчин төгөлдөр бус байх бөгөөд уг гэрээний үндсэн дээр нөхөн төлбөр шаардах эрх эхнэрт үүсэхгүй тул шаардлага гаргах эрхгүй гэж үзнэ.