М нь А-аас таксины үйлчилгээ үзүүлсэн төлбөрөө авахаар гэрт нь хамт орсны дараа төлбөрийн талаар маргаан үүсэж, түүний утсаар эхнэртэй нь ярихыг хүсэхэд А утсаа өгсөн боловч эхнэрийнхээ дугаарыг хэлж өгөөгүй байна. М нь эхнэртэй нь холбогдох боломжгүй, төлбөр төлөгдөхгүйг ойлгомогц утсыг буцаан өгөлгүйгээр авч явсан үйл баримт тогтоогджээ. Зөв зүйлчлэлийг сонгоно уу?

Энэхүү үйл баримтад хохирогч өөрийн гар утсыг тодорхой зорилгоор (эхнэртэйгээ яриулах) сайн дурын үндсэн дээр түр шилжүүлэн өгсөн байна. Ийнхүү бусдын өмчлөлийн эд хөрөнгө хууль ёсоор өөрийнх нь эзэмшилд шилжсэн байх үед уг хөрөнгийг өөрийн өмчийн адил хууль бусаар захиран зарцуулах, авч явах сэдэл төрж, буцаан өгөхгүй авч явсан нь хөрөнгө завших гэмт хэргийн шинжийг хангадаг.

Эрүүгийн хуульд зааснаар бусдын итгэмжлэн хариуцуулсан буюу түр шилжүүлсэн эд хөрөнгийг завшсан үйлдэл нь эд хөрөнгийг хүч хэрэглэхгүйгээр нууцаар авдаг хулгайлах эсвэл илээр авдаг дээрэмдэх, булаах гэмт хэргээс эд хөрөнгийг анх хууль ёсоор буюу хохирогчийн өөрийнх нь зөвшөөрлөөр гаргуулан авсан байдлаараа ялгагддаг тул тухайн үйлдлийг хөрөнгө завших гэж зүйлчилнэ.