Y Hb өөрийн эхнэр Ц-гийн хамт гэртээ архи, согтууруулах ундааны зүйл хэрэглэж байхдаа маргалдан, улмаар У нь эхнэрээ зодож алжээ. Энэ талаар тэдний 11 настай хүүхэд болох Э нь “... аав ээж хоёр өрөөнөөс гарч ирээд том өрөөнд бие биеэ цохилцож нүдэлцээд байсан. Би өөрийн өрөөний хаалганы завсраар харж байхад ээж газарт унаад толгой хавиас нь цус гарсан ...” гэж мэдүүлсэн байдаг. У-гийн үйлдэлд дүгнэлт өгнө үү?

Эрүүгийн хуульд зааснаар гэр бүлийн хамаарал бүхий харилцаатай хүнийг зодож амь насыг нь хохироосон нь гэр бүлийн хүчирхийлэл үйлдэж хүнийг алах гэмт хэргийн шинжийг хангадаг.

Мөн гэр бүлийн хүчирхийлэл болон хүн алах үйлдлийг бага насны хүүхдийн дэргэд, түүнд сэтгэл санааны хүчтэй шаналал үүсгэх байдлаар харж байхад нь үйлдсэн нь онц харгис хэрцгийгээр хүнийг алах гэмт хэргийн хүндрүүлэх шинж болно. Иймд У-гийн үйлдлийг онц харгис хэрцгийгээр болон гэр бүлийн хүчирхийлэл үйлдэж хүнийг алсан гэж үзнэ.