Ц нь түлээгүй болсон гэх шалтгаанаар ургах чадваргүй болсон 2 ширхэг хуурай нарс модыг зохих зөвшөөрөлгүйгээр тайрч өөрийн эзэмшлийн “киа портер” загварын тээврийн хэрэгслээр тээвэрлэжээ. Ц-ын үйлдэл нь:

Эрүүгийн хуульд зааснаар гэмт хэрэг нь нийгэмд аюултай, хуулиар хориглосон үйлдэл эсхүл эс үйлдэхүй байх шинжийг заавал агуулсан байхыг шаарддаг. Мод бэлтгэхтэй холбоотой гэмт хэргийн бүрэлдэхүүн нь экологийн тэнцвэрт байдал, ойн санд бодитой хохирол учруулсан үйлдлийг эрүүгийн хариуцлагад татахаар чиглэгддэг.

Энэ тохиолдолд иргэн Ц нь ахуйн түлээний зориулалтаар ургах чадваргүй болсон, 2 ширхэг хуурай нарс модыг авсан нь ойн сан, хүрээлэн байгаа орчинд эрүүгийн хариуцлага хүлээлгэх хэмжээний нийгэмд аюултай бодит хохирол, хор уршиг учруулаагүй байна.

Иймд Ц-ын үйлдэл нь нийгмийн аюулын шинж чанар, хэр хэмжээгээрээ Эрүүгийн хуульд заасан гэмт хэргийн шинжийг бүрэн хангаагүй бөгөөд гэмт хэргийн шинжгүй гэж үзнэ.