Монгол Улсын нутаг дэвсгэр дээр байршилтай нэгэн компанийн 30 хувийн санхүүжилтийг Япон улсын иргэн О, 20 хувийн санхүүжилт болон тоног төхөөрөмжийг БНХАУ-ын иргэн М, 25 хувийг БНСУ-ын иргэн С, 25 хувийг Монгол Улсын иргэн А нар хамтарч байгуулжээ. 3 жилийн дараа компанийг өөрчлөн байгуулах талаарх ТУЗ-ын шийдвэртэй холбоотой маргаан үүссэн байна. Уг маргааныг аль улсын шүүхээр шийдвэрлэх вэ?

Олон улсын хувийн эрх зүйд хуулийн этгээдийн үүсгэн байгуулалт, дотоод удирдлага, үйл ажиллагааг дуусгавар болгох болон өөрчлөн байгуулахтай холбоотой маргааныг тухайн хуулийн этгээдийн бүртгэлтэй, оршин байгаа улсын шүүх харьяалан шийдвэрлэх зарчим үйлчилдэг.

Энэхүү маргааны хувьд тухайн компани нь Монгол Улсын нутаг дэвсгэрт байршилтай тул хуулийн этгээдийн байршлын зарчим болон харьяаллын зохицуулалтын дагуу Монгол Улсын шүүхийн онцгой харьяалалд хамаарна. Хувьцаа эзэмшигчдийн иргэншил, оруулсан хөрөнгийн хэмжээнээс үл хамааран компанийн дотоод удирдлага буюу ТУЗ-ийн шийдвэртэй холбоотой маргааныг Монгол Улсын шүүхээр шийдвэрлэнэ.