ӨмгөөлөгчД барилгын ослын хэрэгт хохирогч иргэн Б-г өмгөөлж эхэлсэн. Хэргийн явцад тэрээр өмнө нь энэ хэргийг шалгаж байсан прокурорын туслахаар 2 жилийн өмнө ажиллаж байснаа санажээ. Гэсэн ч тэрээр Б-д мэдэгдэлгүй ажлаа үргэлжлүүлсэн. Б нь хожим мэдээд гомдол гаргасан. Энэ тохиолдолд өмгөөлөгчөөр ажиллаж болох уу?

Өмгөөлөгч нь тухайн хэрэг, маргааныг шийдвэрлэх ажиллагаанд өмнө нь прокурор, мөрдөгч, шүүгч, эсхүл тэдгээрийн туслах зэрэг албан тушаалаар оролцож байсан бол уг хэрэгт өмгөөллийн үйлчилгээ үзүүлэх боломжгүй бөгөөд үүнийг хуулиар шууд хориглодог.

Энэхүү хориглолт нь ашиг сонирхлын зөрчлөөс урьдчилан сэргийлэх, өмгөөллийн үйл ажиллагааны хараат бус, шударга байдлыг хангах, түүнчлэн үйлчлүүлэгчийн эрх, хууль ёсны ашиг сонирхлыг хамгаалах суурь зарчимд нийцдэг тул тухайн хэрэгт өмнө нь оролцож байсан өмгөөлөгч хууль зүйн туслалцаа үргэлжлүүлэн үзүүлэх эрхгүй.