Иргэн А болон Б нар нь сервитутийн гэрээ байгуулж, холбогдох хууль тогтоомжид заасны дагуу уг эрхийг эрхийн улсын бүртгэлд бүртгүүлсэн. Сервитутаар эрх нь хязгаарлагдсан өмчлөгч болох А нь сервитут бүхий өмчлөгч Б-ээс зохих төлбөр, шагналыг шаардах эрхтэй юу?

Иргэний эрх зүйн гэрээний эрх чөлөөний зарчмын дагуу талууд өөрсдийн харилцан тохиролцсон нөхцөлөөр гэрээ байгуулах бүрэн эрхтэй байдаг. Сервитут тогтоох хэлцлийн хувьд ч эрх нь хязгаарлагдаж буй тал төлбөр, шагнал авах эсэх нь тэдгээрийн хүсэл зоригийн илэрхийлэлд үндэслэнэ.

Иймд сервитутаар эрх нь хязгаарлагдсан өмчлөгч нь уг хязгаарлалтын улмаас учирч болох ачаалал, үр дагаврыг харгалзан холбогдох төлбөр, шагналыг шаардах эрхтэй байх урьдчилсан нөхцөл нь талуудын гэрээний тохиролцоо юм. Өөрөөр хэлбэл, талууд гэрээндээ энэ талаар харилцан тохиролцсоны үндсэн дээр л уг шаардах эрх үүсэж хэрэгжинэ.