Иргэн А нь нийтийн тээврийн хэрэгслээс гар утас олсон ба олсон утсаа тухайн байгууллагын захиргаанд хүлээлгэн өгсөн. Байгууллагын захиргаа уг гар утасны талаар орон нутгийн цагдаагийн байгууллагад мэдэгдсэн ба ийнхүү мэдэгдсэнээс хойш 1 жил 6 сар өнгөрөхөд эрх бүхий этгээд нь тогтоогдоогүй. Гар утасны өмчлөгч нь хэн бэ?

Нийтийн тээврийн хэрэгсэл буюу албан байгууллагын эзэмшлийн орчноос олдсон гээгдэл эд хөрөнгийг тухайн байгууллагын захиргаанд хүлээлгэн өгөх үүрэгтэй байдаг. Энэ тохиолдолд олдсон эд хөрөнгийг хадгалах, холбогдох эрх бүхий байгууллагад мэдэгдэх үүргийг тухайн байгууллага өөртөө хүлээдэг.

Эрх бүхий байгууллагад мэдэгдсэнээс хойш хуульд заасан хугацаа өнгөрсөн боловч эд хөрөнгийн жинхэнэ өмчлөгч нь тогтоогдоогүй, шаардлага гаргаагүй бол уг эд хөрөнгийг олсон байгууллага өмчлөх эрхийг олж авдаг ерөнхий зарчим үйлчилнэ.