Захиргааны хэргийн шүүгч нэхэмжлэгчээс өөрт байгаа нотлох баримтыг шүүх хуралдаанаас өмнө гаргаж өгөхийг сануулахад, тэрээр “шүүх нотлох баримтыг цуглуулах үүрэгтэй” тул гаргаж өгөх шаардлагагүй гэв. Иймд шүүх хэрэгт цугларсан нотлох баримтын хүрээнд хэргийг шийдвэрлэж, нэхэмжлэлийг хэрэгсэхгүй болгожээ. Нэхэмжлэгчээс давж заалдах журмаар гомдол гаргахдаа “захиргааны шүүх нотлох зарчмыг хэрэгжүүлээгүй нь хэрэг хянан шийдвэрлэх ажиллагааны ноцтой зөрчил болсон, үүний улмаас миний нэхэмжлэлийг үндэслэлгүйгээр хэрэгсэхгүй болголоо” гэжээ. Шүүх хэрэг хянан шийдвэрлэх ажиллагааны журмыг ноцтой зөрчсөн үү?

1. A.Тийм, нотлох баримтыг гаргаж өгөх эсэх нь нэхэмжлэгчийн эрх тул шүүх заавал нотлох үүрэгтэй
2. B.Тийм, шүүх нотлох үүрэгтэй тул хэрэг хянан шийдвэрлэх ажиллагааны ноцтой зөрчилд тооцогдоно
3. C.Үгүй, талууд нотлох баримтаа өөрсдөө гаргаж өгөх эрхтэй тул хэрэг хянан шийдвэрлэх ажиллагааны зөрчилд тооцогдохгүй
4. D.Үгүй, нэхэмжлэгч өөрт байгаа нотлох баримтаа шүүхэд гаргаж өгөх үүрэгтэй тул шүүхийг буруутгах үндэслэл болохгүй✓ Зөв хариулт

Зөв хариулт: D. Захиргааны хэрэг шүүхэд хянан шийдвэрлэх тухай хуулийн 32.1-д шүүх нотлох баримт цуглуулах үүрэгтэй боловч 32.3, 32.4-т хэргийн оролцогч өөрийн нэхэмжлэл, тайлбарын үндэслэлийн нотлох баримтаа шүүх хуралдаан товлохоос өмнө гаргаж өгөх үүрэгтэй гэж заасан. Нэхэмжлэгч өөрт байсан баримтаа сануулсан ч гаргаж өгөөгүй нөхцөлд зөвхөн энэ шалтгаанаар шүүх нотлох үүргээ ноцтой зөрчсөн гэж үзэх үндэслэлгүй.