Төлөөлөн удирдах зөвлөлийн гишүүнд нэр дэвшигчийг бүртгэн сонгон шалгаруулалт хийж, хувьцаа эзэмшигчдийн хуралд нэр дэвшүүлэх бүрэн эрх бүхий этгээд аль нь вэ?

Компанийн засаглалын нийтлэг зарчмын хүрээнд төлөөлөн удирдах зөвлөлийн бүрэлдэхүүнийг чадавхжуулах, хараат бус байдлыг хангах зорилгоор Төлөөлөн удирдах зөвлөлийн дэргэд тусгай хороод ажилладаг.

Эдгээрийн нэг болох Нэр дэвшүүлэх хороо нь төлөөлөн удирдах зөвлөлийн гишүүнд тавигдах шаардлага, шалгуурыг тодорхойлж, нэр дэвшигчдийн материалыг хүлээн авах, бүртгэх болон сонгон шалгаруулах чиг үүргийг хэрэгжүүлдэг.

Ингэснээр шаардлага хангасан нэр дэвшигчдийг хувьцаа эзэмшигчдийн хуралд албан ёсоор санал болгон дэвшүүлэх онцгой бүрэн эрхийг тус хороо хэрэгжүүлдэг байна.