Томоохон компанийн хувьцаа эзэмшигч захирал өөрийн өргөмөл хүү С- ийн хамт томилолтоор явж байгаад учир битүүлгээр нас барсан бөгөөд түүний өргөмөл хүүг хэрэгт сэжиглэн шалгасан. Энэ тохиолдолд нас барагчийн эхнэр, дүү хоёр нь шалгагдаж байгаа үрчлэгдсэн хүү С-ийн өв хөрөнгийг өвлөж авах уу?

Өв залгамжлагчийг өвлүүлэгчийн амь насыг санаатайгаар бүрэлгэсэн гэм буруутай болохыг шүүхийн хүчин төгөлдөр шийдвэрээр тогтоосон тохиолдолд өвлөх эрхээ алддаг. Гэм буруу нь хуулийн дагуу эцэслэн тогтоогдоогүй, шалгагдаж байгаа үед өвлөх эрхийг шууд үгүйсгэх боломжгүй юм.

Иймээс шүүхээс тухайн этгээдийн гэм буруутай эсэхийг эцэслэн тогтоох хүртэл өвийг бусад өвлөгчдөд хуваарилахгүй түр зогсоож, өвлөгдөх эд хөрөнгөөс сэжиглэгдэж буй этгээдэд оногдох хувь хэсгийг хуульд заасан журмын дагуу хамгаална.