Тагнуул, цагдаа, авлигатай тэмцэх байгууллагын албан хаагчийн үйлдсэн гэмт хэрэгт хэрэг бүртгэлт, мөрдөн байцаалт явуулах харьяаллыг хэн тогтоох вэ?

Эрүүгийн хэрэг хянан шийдвэрлэх ажиллагаанд мөрдөн шалгах ажиллагааны харьяаллыг хуулиар тусгайлан зохицуулдаг бөгөөд хэрэг бүртгэлт, мөрдөн байцаалт явуулах харьяаллыг прокурор тогтоох эрх хэмжээтэй байдаг. Энэ нь мөрдөн шалгах ажиллагаанд тавих хяналтын үндсэн чиг үүргийн нэг хэсэг юм.

Тагнуул, цагдаа, авлигатай тэмцэх байгууллагын албан хаагчийн үйлдсэн гэмт хэргийн хувьд ашиг сонирхлын зөрчил үүсэхээс сэргийлэх, мөрдөн шалгах ажиллагааг хараат бус, бодитой явуулах зарчмыг хангах үүднээс тухайн хэрэгт мөрдөн шалгах ажиллагаа явуулах харьяаллыг прокурор бие даан тогтоодог.