Түрээслүүлэгч Б нь түрээслэгчА-аас 5 сар түрээсийн төлбөр төлөөгүй тул 5 сарын түрээсийн төлбөр, түүний хүүг арилжааны банкны хадгаламжийн дундаж ханшаар тооцон шаардаж, шүүхэд нэхэмжлэл гаргажээ. А нь тайлбартаа түрээсийн төлбөрийг бол хүлээн зөвшөөрч байна. Харин гэрээгээр хүү тохироогүй атлаа хүү шаардаж байгаа нь үндэслэлгүй гэж маргасан байна. Б нь А-аас хүү шаардаж болох уу?

Иргэний эрх зүйн ерөнхий зарчмын дагуу үүрэг гүйцэтгэгч нь мөнгөн төлбөрийн үүргээ хугацаандаа гүйцэтгээгүй буюу хугацаа хэтрүүлсэн тохиолдолд үүрэг гүйцэтгүүлэгч тал тохиролцсон хэмжээний хүүг шаардах эрхтэй байдаг.

Мөнгөн төлбөрийн үүрэг хугацаа хэтэрснээс үүсэх хариуцлага нь талуудын хүсэл зоригийн илэрхийлэл буюу гэрээгээр харилцан тохиролцсон нөхцөл дээр үндэслэдэг тул үүрэг гүйцэтгүүлэгч тохирсон хэмжээгээр хүү шаардах нь хууль зүйн хувьд үндэслэлтэй юм.