Д нь “Б” дэлгүүрээс 1.5 төгрөгөөр ухаалаг зурагт худалдан авчээ. Гэтэл 1 сарын дараагаас зурагтны дэлгэц дээр жижиг цэгүүд үүсжээ. Ингээд Д нь “Б” дэлгүүрт очиж үзүүлтэл дэлгүүрийн засварын инженер үзээд үйлдвэрийн гэмтлээс үүдэлтэй гэмтэл байна гэж оношилжээ. Дэлгүүрийн зүгээс зурагтыг үнэ төлбөргүй засаж өгөхөө амласан боловч Д-ийн хувьд энэ хооронд олон удаа таксигаар явсны төлбөрөө мөн гаргуулах хүсэлтэй байв. Боломжтой юу?

Худалдах-худалдан авах гэрээгээр худалдагч нь биет байдлын доголдолгүй хөрөнгө шилжүүлэх үүрэгтэй. Хэрэв худалдсан эд хөрөнгөд үйлдвэрийн гэмтэл буюу доголдол илэрвэл худалдагч тал түүнийг засаж, арилгах үүрэг хүлээнэ.

Энэхүү доголдлыг арилгахтай холбогдон гарсан зайлшгүй зардал, тухайлбал эд хөрөнгийг тээвэрлэхтэй холбоотой зардлыг худалдагч өөрөө хариуцах үүрэгтэй тул худалдан авагч Д-ийн таксигаар явсан зардлыг худалдагч “Б” дэлгүүр нөхөн төлөх үндэслэлтэй.