Ажилтны төлөөлөгчид шүүхэд гаргасан нэхэмжлэлдээ “талууд хамтын гэрээнд “шөнийн цагаар ажилласны хөлсийг 1.5 дахин, илүү цагаар ажилласны хөлсийг 1.7 дахин, нийтээр амрах баярын өдөр ажилласны хөлсийг 2.5 дахин” нэмэгдүүлж нэмэгдэл хөлс олгохоор тохиролцсон. Гэвч ажил олгогч хамтын гэрээг хэрэгжүүлэхгүй байгаа тул хамтын гэрээг хэрэгжүүлэхийг даалгах, 2 сарын хугацаанд тооцогдох нэмэгдэл хөлс гаргуулахыг шаардаж шүүхэд нэхэмжлэл гаргажээ. Шүүх нэхэмжлэлийг хүлээн авч иргэний хэрэг үүсгэх үү?

1. A.Хөдөлмөрийн тухай хуулийн 154.10-т “Хамтын гэрээг хэрэгжүүлэхтэй холбоотой хөдөлмөрийн эрхийн маргааныг хөдөлмөрийн сонирхлын маргаан зохицуулах журмаар шийдвэрлэнэ” гэж заасан учир шүүх нэхэмжлэлийг хүлээн авахаас татгалзана✓ Зөв хариулт
2. B.Хөдөлмөрийн тухай хуулийн 32.1, 33.1-д зааснаар хамтын гэрээг бүртгэсэн харьяа дүүргийн Засаг дарга, Хөдөлмөр, халамж үйлчилгээний хэлтэс уг гэрээний хэрэгжилтэд хяналт тавих тул тухайн дүүргийн Засаг даргад гомдлоо эхэлж гаргана. Шүүх нэхэмжлэлийг хүлээн авахаас татгалзана
3. C.Хөдөлмөрийн тухай хуулийн 158.1.3-т зааснаар хамтын гэрээ нь хөдөлмөрийн хууль тогтоомж зөрчсөн тухай ажилтны гомдлыг шүүхэд гаргахаар хуульчилсан тул шүүх нэхэмжлэлийг хүлээн авч иргэний хэрэг үүсгэнэ
4. D.Хөдөлмөрийн тухай хуулийн 147-р зүйлд зааснаар талууд эхний ээлжид харилцан тохиролцож шийдвэрлэх бүх талын чармайлтыг гаргах ба ийнхүү тохиролцож чадаагүй бол нэг тал нь хөдөлмөрийн арбитрт гомдлоо гаргах учир шүүх нэхэмжлэлийг хүлээн авахаас татгалзана

Хөдөлмөрийн тухай хууль 154.10