Өмгөөлөгч А нь шүүх хуралдаанд оролцож үйлчлүүлэгчийн хууль ёсны ашиг сонирхлыг хамгаалан мэтгэлцэж зохигчоос асуулт тавьж хариулт авсан байна. Энэхүү үед зохигчоос өгсөн хариулт нь шүүхийн шийдвэрт өөрөөр тайлбарлагдан тусаж үндэслэл болсон байна. Өмгөөлөгч нь шүүх хурлын явцыг баталгаажуулсан дуу дүрсний бичлэгийг хуулбарлан авах хүсэлт тавьсан. Ийнхүү хуулбарлан авахад гарах зардлыг хэн төлөх үүрэгтэй вэ?

Өмгөөллийн тухай хуульд зааснаар өмгөөлөгч нь өмгөөллийн үйл ажиллагаа явуулахдаа хуульд нийцүүлэн шүүх хуралдааны дуу, дүрсний бичлэг зэрэг нотлох баримт, хэргийн материалтай танилцах, хуулбарлан авах эрхтэй байдаг.

Энэ хүрээнд шүүх хуралдааны явцыг баталгаажуулсан дуу, дүрсний бичлэгийг өөрийн хүсэлтээр хуулбарлан авах тохиолдолд түүнээс үүдэн гарах техникийн болон холбогдох зардлыг хүсэлт гаргагч буюу өмгөөлөгч өөрөө хариуцах үүрэгтэй.