Иргэн Т орон нутгийн ээлжит сонгуулийн жилийн 03 дугаар сарын эхээр Нийслэлээс Баянхонгор аймагт шилжин ирж суурьшаад байхад 04 дүгээр сарын 29-ны өдөр Улсын Их Хурлаас Орон нутгийн ээлжит сонгуулийг товлон зарлаж, санал авах өдрийг тогтоов. Тэрээр “А” намын гишүүн бөгөөд аймгийн намын салбар байгууллагаас Аймгийн Иргэдийн Төлөөлөгчдийн Хуралд түүний нэрийг дэвшүүлэх санал тавьсныг хүлээн зөвшөөрсөн байна. Ингээд нэр дэвшигчийг бүртгэх хугацаа эхлэхэд Т нь Аймгийн сонгуулийн хороонд бүртгүүлэхээр хүсэлтээ гаргахад шаардлага хангаагүй гэдэг үндэслэлээр татгалзжээ. Ийнхүү татгалзах нь үндэслэлтэй юу?

1. A.Үндэслэлгүй, учир нь Монгол Улсын Үндсэн хуульд заасны дагуу иргэд төрийн байгууллагад сонгох, сонгогдох эрхтэй
2. B.Үндэслэлтэй, орон нутгийн ээлжит сонгуульд зөвхөн байнгын оршин суугч хүн нэр дэвших эрхтэй
3. C.Үндэслэлгүй, учир нь Т тус аймагт шилжин суурьшиж байнга оршин суугчаар бүртгүүлсэн байсан
4. D.Үндэслэлтэй, нэр дэвшигчийн хувьд сонгуулийн жилд шилжин суурьшиж, байнгын оршин суугчаар бүртгүүлсэн байх хугацааг хуулиар тогтоодог✓ Зөв хариулт

Зөв хариулт: D. Орон нутгийн Хурлын сонгуулийн тухай хуулийн 5.2-т ээлжит сонгуульд нэр дэвшигч нь сонгуулийн жилийн 02 дугаар сарын 15-наас өмнө тухайн нутаг дэвсгэрт шилжин суурьшиж, байнгын оршин суугчаар бүртгүүлсэн байх шаардлагыг тогтоосон. 03 дугаар сард шилжсэн Т уг шаардлагыг хангахгүй.