О нь “И.О 6715” гэх тэмдэг, дардсыг хуурамч болохыг мэдсээр байж ашиглан өөрийгөө өмгөөлөгч хэмээн 2024 оны 03 дугаар сарын 06- ны өдөр “Э” ХХК-тай “Эрх зүйн туслалцаа үзүүлэх гэрээ” байгуулжээ. Тэрээр гэрээ байгуулсан үеэс хойш “Э” ХХК-ий эрх, хууль ёсны ашиг сонирхлыг төлөөлөн шүүхэд хэрэг хянан шийдвэрлэх ажиллагаанд нэг ч удаа оролцож амжаагүй байсан боловч түүний үйлдлийн талаар цагдаагийн байгууллагад мэдээлэл гаргаснаар үйлдэл нь таслан зогсоогдсон байна. О-гийн үйлдэл нь:

О нь хуурамч тэмдэг, дардсыг хуурамч болохыг нь мэдсээр байж эрх зүйн харилцаанд орж, хуулийн этгээдтэй гэрээ байгуулахад бодитоор ашигласан байна. Эрүүгийн хуульд зааснаар хуурамч болохыг мэдсээр байж тамга, тэмдэг, баримт бичгийг ашигласан үйлдэл нь уг гэмт хэргийн шинжийг хангадаг.

Энэхүү гэмт хэрэг нь хуурамч баримт бичиг, тэмдгийг ашигласнаар төгсдөг хэлбэрийн бүрэлдэхүүнтэй тул О шүүх хуралдаанд төлөөлөн оролцож амжаагүй, цаашдын үйл ажиллагаа нь таслан зогсоогдсон эсэхээс үл хамааран түүний үйлдэл нь хуурамч баримт бичиг үйлдэх, ашиглах гэмт хэрэг болно.