А өөрийн ногооны талбайд нар тусгах зорилгоор хөрш хашааны өмчлөгч Б-тэй хашаандаа тодорхой өндрөөс илүү өндөр барилга барихгүй байхаар тохиролцжээ. Энэ тохиролцоо ямар харилцаа вэ?

Иргэний хуульд зааснаар сервитут нь үл хөдлөх эд хөрөнгийн өмчлөгч өөрийн хэрэгцээг хангах зорилгоор нөгөө өмчлөгчийн эд хөрөнгийг тодорхой хэлбэрээр хязгаартай ашиглах, эсхүл өмчлөгч эрхээ хэрэгжүүлэхэд саад болохгүй байх тодорхой үйлдлийг хийхгүй байх үүргийг хүлээлгэх эрх зүйн харилцаа юм.

Өгөгдсөн тохиолдолд иргэн А нь өөрийн ногооны талбайд нар тусгах эрх ашгаа хангахын тулд хөрш Б-тэй түүний хашаандаа тодорхой өндрөөс дээш барилга барих эрхийг хязгаарлахаар тохиролцсон байна. Энэ нь нөгөө талын өмчлөлийн эрхийг хязгаарлаж буй сервитутийн харилцааны шинжийг бүрэн агуулж байна.