Монгол Улсын иргэн А 18 настай, Монгол Улсад оршин суудаг. Япон Улсын иргэн Б мөн 18 настай, Монгол Улсад түр оршин суудаг. Япон улс иргэнийг 20 нас хүрсэн бол иргэний эрх зүйн бүрэн чадамжтайд тооцдог. А болон Б нарын хооронд Сүхбаатар дүүргийн нутаг дэвсгэрт оршин байх 1 өрөө орон сууц худалдах худалдан авах гэрээ Улаанбаатар хотод байгуулагджээ. Тэдний байгуулсан гэрээ хүчин төгөлдөр үү?

1. A.Япон улсын иргэн Б нь хууль ёсны төлөөлөгчөөсөө зөвшөөрөл авсан бол худалдах, худалдан авах гэрээ хүчин төгөлдөр болно
2. B.Талууд худалдах, худалдан авах гэрээндээ иргэний эрх зүйн чадамжийн талаар тусгаагүй тул тэдний хооронд байгуулагдсан худалдах, худалдан авах гэрээ хүчин төгөлдөр бус
3. C.Монгол Улсын нутаг дэвсгэр дээр хийсэн хэлцлийн талаарх гадаад улсын иргэний иргэний эрх зүйн чадамжийг тухайн улсын хуулиар тодорхойлно. Иймд тэдгээрийн хооронд байгуулагдсан худалдах, худалдан авах гэрээ хүчин төгөлдөр бус
4. D.Монгол Улсын нутаг дэвсгэр дээр хийсэн хэлцлийн талаарх гадаад улсын иргэний иргэний эрх зүйн чадамжийг Монгол Улсын хуулиар тодорхойлно. Иймд тэдгээрийн хооронд байгуулагдсан худалдах, худалдан авах гэрээ хүчин төгөлдөр✓ Зөв хариулт

Иргэний хууль 543.5