Ашигт малтмалын чиглэлээр үйл ажиллагаа явуулдаг “Б” хуулийн этгээдэд “А” аймгийн Засаг даргаас газар эзэмших эрх олгохдоо “орон нутгийн хөгжилд зориулж жил бүр 50.0 сая төгрөгийн тусламж үзүүлж байх” үүргийг захирамждаа заажээ. Энэ нь:

Захиргааны актын үндсэн агуулга нь газар эзэмших эрх олгож байгаа шийдвэр өөрөө бөгөөд уг эрхийг дагалдуулан хаяглагчид тодорхой үйлдэл хийх үүрэг ногдуулсан нь захиргааны актын нэмэлт зохицуулалт болдог.

Захиргааны байгууллага эрх хэмжээнийхээ хүрээнд эерэг нөлөөлөл бүхий захиргааны актыг гаргахдаа түүний үйлчлэлийг тодорхой болзол, даалгавар, эсхүл үүрэгтэй холбож нэмэлт зохицуулалт тусгах боломжтой.

Энэ тохиолдолд орон нутгийн хөгжилд зориулж жил бүр санхүүгийн тусламж үзүүлэхийг даалгасан заалт нь захиргааны актын үндсэн шийдвэрийг нөхцөлдүүлж, хавсаргасан нэмэлт үүрэг буюу даалгавар тул уг шийдвэрийн нэмэлт зохицуулалтад хамаарна.