Ч, Б нар нь гэрлээгүй тусдаа амьдардаг. Тэдний дундаас 2015 онд охин С төрсөн. Ч, Б нар 2020 онд гэрээ байгуулж, “Б нь хүүхдийн тэтгэлэгт сар бүр 1.0 сая төгрөг төлнө, охин С-ийн сургалтын төлбөрт жил бүр 3.0 сая төгрөг төлнө” гэж тохиролцжээ. Б гэрээний дагуу хүүхдийн тэтгэлгийг төлсөн, харин сургалтын төлбөрийг төлөөгүй. Ч нь Б-ээс хүүхдийн 4 жилийн сургалтын төлбөр 12.0 сая төгрөг гаргуулахаар нэхэмжлэл гаргасан. Б гэрээг нотариатаар гэрчлүүлээгүй тул төлөхгүй гэж маргажээ. Ч-гийн шаардлага үндэслэлтэй юу?

1. A.Тэжээн тэтгэх гэрээг бичгээр үйлдэж, нотариатаар гэрчлүүлэхээр заасан бөгөөд гэрээ нотариатаар гэрчлүүлэх шаардлагыг хангаагүй тул Ч гэрээний дагуу 12.0 сая төгрөг шаардах эрхгүй✓ Зөв хариулт
2. B.Талууд харилцан тохиролцож тэжээн тэтгэх гэрээ байгуулсан, Б гэрээгээр хүлээсэн үүргээ биелүүлэх үүрэгтэй тул Ч-гийн шаардлага үндэслэлтэй
3. C.Тэжээн тэтгэх гэрээг бичгээр үйлдэж, нотариатаар гэрчлүүлэхээр заасан боловч гэрээнд тавигдах хэлбэрийн шаардлага хангаагүй тохиолдолд гарах үр дагаврыг зохицуулаагүй, шүүх уг хэлцлийг хийсэнд тооцож болох тул Ч-гийн шаардлага үндэслэлтэй
4. D.Хуульд тэжээн тэтгэх гэрээг нотариатаар гэрчлүүлэх шаардлагыг тавиагүй, гэрээ хүчин төгөлдөр тул Ч-гийн шаардлага үндэслэлтэй.

Гэр бүлийн тухай хууль 45.1; Иргэний хууль 56.1.8, 42.5