Л нь гэртээ өөрийн эхнэр А, мөн багын найз О нартай согтууруулах ундааны зүйлс хэрэглэж, улмаар унтаж байгаад сэрэх үед нь эхнэр А нь О-гийн дээр байрлалтайгаар бэлгийн харьцаанд орж байхыг хараад А-гийн толгой тус газарт хайруулын тавгаар цохиж, мөн О-д хүч хэрэглэсэн боловч О зугтааж амжжээ. Хэргийн баримтаар А-гийн эрүүл мэндэд хөнгөн хохирол учруулсан нь тогтоогдсон байна. Л-ийн үйлдлийг хэрхэн зүйчлэх вэ?

Эрүүгийн хуульд зааснаар хүний эрүүл мэндэд санаатайгаар хөнгөн хохирол учруулсан үйлдэл нь хүний эрүүл мэндийн халдашгүй байдлын эсрэг гэмт хэрэгт тооцогддог.

Бодит тохиолдолд Л нь өөрийн эхнэр А-г бусадтай бэлгийн харьцаанд орж байхыг хараад уурлаж, улмаар түүний толгой тус газарт хайруулын тавгаар цохисон байна. Энэхүү үйлдлийн улмаас хохирогчийн биед хөнгөн хохирол учирсан нь хэргийн баримтаар нотлогдсон тул санаатайгаар бусдын эрүүл мэндэд халдсан гэмт хэргийн шинжийг хангасан байна.

Иймд Л-ийн гаргасан үйлдэл нь хүний эрүүл мэндэд хөнгөн хохирол санаатай учруулсан гэмт хэрэг гэж зүйлчлэгдэх үндэслэлтэй.