Х-г бусдын орон байранд хууль бусаар нэвтэрч хулгай хийх зорилгоор хаалганы түгжээг эвдэхээр оролдож байх үед хашааны хаалга дуугарах чимээ гарч Х хэргийн газрыг орхин зугтжээ. Х-гийн үйлдэл нь:

Эрүүгийн хуульд зааснаар гэмт хэрэг үйлдэхэд шууд чиглэсэн үйлдлийг санаатай хийсэн боловч тухайн этгээдийн хүсэл зоригоос үл хамаарах нөхцөл байдлын улмаас гэмт хэрэг төгсөөгүй бол гэмт хэрэг үйлдэхээр завдах гэнэ.

Энэ тохиолдолд этгээд бусдын орон байранд хууль бусаар нэвтэрч хулгайлах зорилгоор хаалганы түгжээг эвдэж эхэлсэн нь гэмт хэргийн бүрэлдэхүүний бодит талын шинжийг шууд хэрэгжүүлж эхэлснийг илтгэнэ.

Улмаар хашааны хаалга дуугарах чимээ гарсан нь тухайн этгээдийн хүсэл зоригоос үл хамаарах гадны нөхцөл байдал бөгөөд уг шалтгааны улмаас гэмт үйлдлээ дуусгаж чадалгүй зугтсан тул уг үйлдлийг хулгайлах гэмт хэрэгт завдсан гэж үзнэ.