Иргэний эрх зүй — гэр бүл ба өв залгамжлал · ГЭР БҮЛИЙН ТУХАЙ ХУУЛЬ
Э, Б нар 20 жилийн өмнө гэрлэсэн 5 хүүхэдтэй, 15 жилийн өмнө Ривер гарден хотхонд 4 өрөө орон сууц худалдан авч гэр бүлээрээ амьдардаг. Орон сууцны өмчлөгчөөр нөхөр Э бүртгэлтэй. Нөхөр Э-гийн багын найз Ж олон жил тэднийхээр байнга орж гардаг. Багийн найз Ж нь Э-гийн бизнест 200.0 сая төгрөг зээлдүүлж, орон сууцыг нь барьцаалсныг эхнэр Б мэдээгүй. Э зээлсэн мөнгөө төлөөгүй тул Ж орон сууцаар үүргийн гүйцэтгэлийг хангуулахаар шүүхэд нэхэмжлэл гаргажээ. Эхнэр Б нь барьцааны гэрээг байгуулахдаа гэр бүлийн насанд хүрсэн гишүүний бичгээр гаргаж, нотариатаар гэрчлүүлсэн зөвшөөрлийг аваагүй тул хэлцэл хүчин төгөлдөр бус болохыг тогтоолгох сөрөг шаардлагыг гаргасан. Эхнэр Б-ийн сөрөг шаардлага үндэслэлтэй юу?
Шинэчилсэн: 2026.10.04
- A.Нөхөр 9-r 200.0 сая төгрөг зээлснийг эхнэр Б мэдээгүй байх боломжгүй тул Б-гийн сөрөг шаардлага үндэслэлгүй
- B.Орон сууц нөхөр Э-гийн нэр дээр бүртгэлтэй хэдий ч гэр бүлийн гишүүдийн хөрөнгө тул Э нь эхнэр Б-гээс зөвшөөрөл аваагүй, Ж зөвшөөрөл авах үүрэггүй тул эхнэр Б-ийн сөрөг шаардлага үндэслэлгүй
- C.Улсын бүртгэлд бүртгэгдсэн этгээдийг өмчлөгч гэж үзэх бөгөөд уг бүртгэлд бүртгэгдээгүй хамтран өмчлөх эрхтэй хүмүүсийн талаар мэдэх боломжгүй тул эхнэр Б-ийн сөрөг шаардлага үндэслэлгүй
- D.Багын найз Ж нь орон сууцыг Э-гийн гэр бүлийн гишүүдийн хамтран өмчлөх хөрөнгө гэдгийг мэдэж байсан буюу бүртгэл буруу ташаа болохыг мэдэж байсны хувьд барьцааны гэрээг байгуулахдаа эхнэр Б-гээс зөвшөөрөл авах шаардлагыг хангаагүй тул Б-ийн сөрөг шаардлага үндэслэлтэй