Б нь БНСУ-аасгар утас оруулж ирдэг Э-ээс 58.0 сая төгрөгийн үнэ бүхий гар утсыг зээлээр худалдан авч, тэдгээр гар утаснуудыг худалдан борлуулсны дараа мөнгийг төлөхөөр тохиролцжээ. Гэвч тэрээр гар утаснуудыг худалдан борлуулсан мөнгөнөөс 20.0 сая төгрөгөөр мөрийтэй тоглоом тоглож алдсан бөгөөд төлбөр төлж дуусгах хугацаа өнгөрсөн ч Э-тэй дахиж холбогдоогүй байна. Уг нөхцөл байдлыг мэдсэн Б-ын эхнэр зарагдаагүй үлдсэн 15.0 сая төгрөгийн гар утсыг Э-д буцаан өгчээ. Мөрдөн шалгах ажиллагааны явцад Б “Манай эхнэр 15.0 сая төгрөгийн үнэ бүхий утсыг буцаан өгсөн тул хөнгөн гэмт хэргээр зүйлчлэх ёстой” хэмээн гомдол гаргажээ. Зөв хариултыг сонгоно уу?

Залилах гэмт хэргийн бүрэлдэхүүн нь бусдын эд хөрөнгийг хуурч мэхлэх, итгэл эвдэх замаар өөрийн эзэмшилд шилжүүлэн авснаар төгсдөг. Тухайн тохиолдолд гэмт этгээд 58.0 сая төгрөгийн үнэ бүхий гар утсыг залилан авч, улмаар зориулалтын бусаар зарцуулан хохирол учруулсан байна.

Гэмт хэргийн улмаас учирсан хохирлын хэмжээг хэрэг үйлдэгдэж төгссөн үеийн бодит хохирлоор буюу нийт залилсан 58.0 сая төгрөгийн үнийн дүнгээр тодорхойлно. Энэ нь хуульд заасан их хэмжээний хохирлын шалгуурт хамаарна.

Гэмт хэрэг төгссөний дараа хохирлоос 15.0 сая төгрөгийн үнэ бүхий утсыг буцаан өгсөн нь гэмт хэргийн зүйлчлэлийг хөнгөрүүлэн өөрчлөх үндэслэл болохгүй бөгөөд зөвхөн учруулсан хохирлыг нөхөн төлсөн гэж үзэх, эрүүгийн хариуцлагыг хөнгөрүүлэх нөхцөл байдалд тооцогдоно.