ХБНГУ-д амьдарч байгаа Т нь тэнд ажлаар очоод байсан С-д 3600 DM-ын үнэтэй компьютерээ худалдаж, С нь төлбөрөө Монголд хийхээр тохирчээ. ХБНГУ-ын мөнгөн тэмдэгт DM нь евро-гоор солигджээ. С нь ямар мөнгөн тэмдэгтээр төлбөрийг гүйцэтгэх вэ?

Зөв хариулт: Еврогоор

Талууд мөнгөн төлбөрийн үүргийг гадаадын мөнгөн тэмдэгтээр гүйцэтгэхээр тохиролцож болно. Иргэний хуулийн 217.2-т хуулиар хориглоогүй бол талууд мөнгөн төлбөрийн үүргийг гадаадын мөнгөн төмдэгтээр гүйцэтгэж болно гэж заасан. Энд талуудын тохиролцоо нь Германд байгаа үнэт зүйлийг DM-ээр үнэлж, төлбөрийг Монголд хийхээр тогтсон тул гадаадын мөнгөн төмдэгтээр төлөх үүрэг хүчинтэй. Иргэний хууль, 217

DM мөнгөн тэмдэгтийн төрөл өөрчлөгдөж, евро мөрдөгдөж эхэлсэн. Иргэний хуулийн 218.2-т хуульд өөрөөр заагаагүй бол мөнгөн төмдэгтийн төрөл өөрчлөгдсөн бол мөнгөн төмдөгт өөрчлөгдсөн өдөр мөрдөж байсан ханшаар тооцож төлбөрийг төлнө гэж заасан. Иргэний хууль, 218

Иймээс хуучин мөнгөн төмдөгтөөр (DM) биш, түүнийг орлосон евро-гоор, хөрвүүлэх ханшаар тооцож төлөх нь зүйтэй. Төгрөгөөр төлөх үндэслэл энэ тохиролцоонд байхгүй, ам.доллар ч талуудын тохиролцсон мөнгөн төмдөгт биш юм.