“Ү” ХХК нь төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагаанд оролцох эрхийг хязгаарласан этгээдийн жагсаалтад бүртгэгдсэн этгээд бөгөөд санхүү, төсвийн асуудал эрхэлсэн төрийн захиргааны төв байгууллагын зүгээс тус жагсаалтыг олон нийтэд нээлттэй мэдээлсэн. “Ү” ХХК нь тус үйлдлийг “Ү” ХХК-ийн хууль ёсны ашиг сонирхлыг зөрчиж байна, тендер шалгаруулалтад оролцох эрхээ хязгаарлуулсан этгээдийн жагсаалтыг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах хуульд нэрлэн заасан захиалагч нарт хүргэх учиртай тул тус нийтэд мэдээлсэн мэдээллээ устгахыг шаардсан. Тус шаардлага эрх зүйн үндэслэлтэй юу, хамгийн оновчтой дүгнэлтийг сонгоно уу?

1. A.Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагаанд оролцох эрхийг хязгаарласан этгээдийн жагсаалт нь нээлттэй мэдээлэлд хамаарах тул тус шаардлага хууль зүйн үндэслэлгүй✓ Зөв хариулт
2. B.Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагаанд оролцох эрхийг хязгаарласан этгээдийн жагсаалт нь хаалттай мэдээлэлд хамаарах тул тус шаардлага хууль зүйн үндэслэлтэй
3. C.Тендерт оролцох эрхийг хязгаарласан этгээдийн жагсаалтыг бүртгэх хууль эрх зүйн зохицуулалт байхгүй учир “Ү” ХХК-ийн ажил хэргийн нэр хүндэд халдсан гэж үзнэ
4. D.Төрийн худалдан авах ажиллагааны байгууллагаас мэдээлэх эсэхийг тухай бүр шийдвэрлэх бөгөөд санхүү, төсвийн асуудал эрхэлсэн төрийн захиргааны төв байгууллага нийтэд мэдээлэх эрх хэмжээгүй учир хууль зүйн үндэслэлтэй

Зөв хариулт: A. Хуулийн 8.4.13-т төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагаанд оролцох эрхийг хязгаарласан этгээдийн жагсаалтыг нээлттэй мэдээлэлд хамааруулсан. 8.7-д энэ мэдээллийг санхүү, төсвийн асуудал эрхэлсэн төрийн захиргааны төв байгууллага хариуцан нээлттэй, ил тод байлгахаар заасан. Иймээс жагсаалтыг нийтэд мэдээлсэн ажиллагааг зөвхөн энэ үндэслэлээр устгуулах шаардлага хууль зүйн үндэслэлгүй.