Иргэн С нь өөрийн оёдлын машинаа найз Х-д 3 сарын хугацаатайгаар түрээслүүлсэн. Х нь түрээсийн гэрээний хугацаанд С-ийн оёдлын машиныг худалдан авах хүсэлтэй байгаагаа түүнд илэрхийлсэн ба С түүний энэ саналыг хүлээн авсан. Энэ тохиолдолд Х-ийн өмчлөх эрх хэзээ үүсэх вэ?

Хөдлөх эд хөрөнгийг өмчлөх эрх шилжүүлэх ерөнхий зарчмаар хөрөнгийг шилжүүлэн өгснөөр өмчлөх эрх үүсдэг хэдий ч тухайн хөрөнгө нь аль хэдийн худалдан авагчийн хууль ёсны эзэмшилд байгаа тохиолдолд биет байдлаар дахин гардуулах шаардлагагүй байдаг.

Энэ тохиолдолд эд хөрөнгө нь түрээсийн гэрээний үндсэн дээр худалдан авагчийн эзэмшилд бэлэн байгаа тул талууд өмчлөх эрхийг шилжүүлэх тухай хэлцэл буюу гэрээг байгуулж, тохиролцсоноор өмчлөх эрх худалдан авагчид шилжинэ.