“К” банк нь цаашид банкны хэвийн үйл ажиллагааг хангах боломжгүй болсон, Монголбанкны зүгээс банкны үйл ажиллагааг сайжруулах, найдвартай тогтвортой удирдлагыг сэргээхэд хангалтгүй гэж үзэж Монголбанкны хяналт шалгалтын дүгнэлт гарсан байна. Монголбанкны зүгээс нөхцөлт удирдлагыг хэрэгжүүлэхээр шийдвэрлэж тус Банкинд хандаж хувь нийлүүлсэн хөрөнгийн бүтцийг өөрчлөх, дүрмийн санг нэмэгдүүлэх арга хэмжээг авах болсноо мэдэгдсэн. Банкны зүгээс тус дүгнэлтийг хүлээн зөвшөөрөхгүй, Монголбанкинд ийм эрх байхгүй гэж үзэж байна. Монголбанкны тус шийдвэр хууль зүйн үндэслэлтэй юу?

1. A.Шүүхийн шийдвэрийн үндсэн дээр зөвхөн тус арга хэмжээг хэрэгжүүлэх учир үндэслэлгүй
2. B.Монголбанк банкны актив, пассивыг шилжүүлэх шийдвэр гаргах эрхтэй учир тус шийдвэр үндэслэлгүй
3. C.Хадгаламж эзэмшигчдийн эрхийг хамгаалах үүднээс хуулиар олгогдсон эрхээ хэрэгжүүлж буй учир тус шийдвэр үндэслэлтэй✓ Зөв хариулт
4. D.Энэ нөхцөлд тусгай зориулалтын банк байгуулах шаардлагатай учир тус шийдвэр үндэслэлгүй

Зөв хариулт: C. Банкны тухай хуулийн 3.1.16-д нөхцөлт удирдлагыг банк богино хугацаанд хэвийн үйл ажиллагаа явуулах боломжгүй болсон зэрэг нөхцөлд Монголбанкнаас авч хэрэгжүүлэх цогц арга хэмжээ гэж тодорхойлсон. Мөн 49 дүгээр зүйлээр нөхцөлт удирдлага хэрэгжүүлэх үндэслэлийг, 52.2.7-д бүрэн эрхт төлөөлөгч банкны өөрийн хөрөнгийн зохистой харьцааг хангах зорилгоор өөрийн хөрөнгийн бүтэц, хэмжээг өөрчлөх эрхийг тус тус заасан. Иймээс өгөгдсөн нөхцөлд Монголбанк ийм арга хэмжээ авах эрх зүйн үндэслэлтэй.