2018 оны 01 дүгээр сарын 01-ний өдөр Б нь А-гийн 40 кв.м орон сууцыг хөлслөхөөр болж орон сууц хөлслөх гэрээг 12 сарын хугацаатай байгуулжээ. Б нь 2018 оны 05 дугаар сарын 03-ны өдрөөс 3 сарын хугацаагаар Солонгос улс руу ажил хийхээр явах болсон тул орон сууцыг тухайн хугацаанд найз Г-д дамжуулан хөлслүүлэх саналтай байгаагаа А-д хэлжээ. А нь Г-ийн зан байдал таалагддаггүй, Г-ийн эдийн засгийн байдал хүнд, Г нь А-д 1.0 сая төгрөгийн өртэй бөгөөд нэг Ч төгрөгийг төлөөгүй гэсэн шалтгаанаар татгалзсан байна. А ийм эрхтэй юу?

Орон сууц хөлслөх гэрээний харилцаанд хөлслөгч нь хөлсөлж авсан эд хөрөнгийг бусдад дамжуулан хөлслүүлэхдээ өмчлөгч буюу хөлслүүлэгчийн зөвшөөрлийг авах үүрэгтэй байдаг.

Хөлслүүлэгч нь тухайн гуравдагч этгээдийн хувийн байдал, төлбөрийн чадвар болон өмнөх үүргээ биелүүлээгүй зэрэг үндэслэл бүхий ноцтой шалтгаанаар дамжуулан хөлслүүлэхийг зөвшөөрөхөөс татгалзах эрхтэй.

Иймд Г-ийн санхүүгийн хүнд байдал, А-д төлөх хугацаа хэтэрсэн өртэй зэрэг нөхцөл байдал нь хөлслүүлэгчид дамжуулан хөлслүүлэхээс татгалзах хангалттай үндэслэл болох тул А-ийн татгалзал үндэслэлтэй байна.